Sindhu leh Prannoy kal zel

Sindhu leh Prannoy kal zel
Jakarta khawpuia In-donesia Open World Tour Super 1000 tournament khelh mekah nimin, Thawhlehni khan star Indian shuttler PV Sindhu chuan a bultanna inkhel-ah tualchhung nula bei-seiawm Gregoria Mariska Tunjung chu 21-19, 21-15-in a hneh a, pre-quarter-final a lut.
Ranking lama a tlak-hniam hnua world No 13 ni duai tawh double Olym-pic medallist Sindhu hian Tunjung a hmachhawn hnuhnung vawihnihah a hneh lo ve ve a, tuntum erawh chefuh zawkah tang ve leh ta thungin, tournament hnuhnung pahniha first round paltlang zo lo khan last eight luh a hnaih sawt.
World champion hlui Sindhu hian Madrid Mas-ters final leh kumin kumtir lam Malaysian Masters semi-final match pakhat-ah khan Indonesian star hi a hneh lo a, nimin inkhelah pawh tantu ngah zawk Tunjung a ding-chang leh mai ang tih rinna a pian hman hial laiin head-to-head record-a 8-2 ni turin Indonesian nula laka a chungnunna a belhchhah.
Sindhu hmachhawn leh tur third seed Tai Tzu Ying hi Taiwanese star ni ve thungin, Indian laka chhuan tham head-to-head record (18-5) nei a ni a, a zawna vawiriat a hneh loh mek Tai Tzu Ying lakah Hyderabadi hian hnehna boruak a tawng-baw zo dawn em kan ngaichang ang!
Mipa singles lamah tunlaia chetha tluang tak HS Prannoy chuan a tumpui Japanese Kenta Nishimoto lakah harsat-na a tawk lo a, minute 50 chhungin 21-16, 21-14 hnehna a chang hman.
Thla hmasa maia Malaysia Masters Super 300 title hlawhchhuak seventh-seeded Indian hian round of 16 lamah NG Ka Long Angus of Hong Kong a tum leh ang.
Indian women’s dou-bles pair Treesa Jolly leh Gayatri Gopichand erawh opening round paltlang zo loin an tla a, an ngam lohte hi Rin Iwanaga leh Kie Nakanishi of Japan.
Commonwealth Games bronze medallist pair hi nimina an first round match-ah Japa-nese pair chuan darkar khat leh minute 12 chhungin 22-20, 12-21, 16-21-in an vaw chhuak.
CWG Birmingham 2022 champion leh world No 5 men’s doubles pair ni bawk Satwiksairaj Ranikreddy leh Chirag Shetty pawhin nizan khan first round-ah Marcus Fernaldi Gideon leh Kevin Sanjaya Sukamuljo of Indonesia an hma-chhawn a, an result tarlan hman a ni lo.