Singapore-India UPI hmangin sum inthawn theih ta

Prime Minister Narendra Modi leh Singapore prime minister Lee Hsien Loong te chuan February 21 khan cross-border connectivity, real-time digital payment systems chu video conferencing hmangin hawnna an nei.
India Unified Payments Interface (UPI) leh Singapore’s PayNow hmangin ram pahniha cheng mipui te chuan awlsam zawkin sum an inthawn thei tawh dawn a ni.
“He inzawmna hmang hian man tlawm si in real-time payment te ram pahniha cheng ten an kalpui zung zung thei tawh dawn a. Hei hi zirlai, professional, NRIS’s leh an chhungte tana pawimawh em em a ni,” tiin Modi chuan a sawi.
He mi hmang hian India atangin Singapore-ah mobile phone number hmangin leh UPA virtual payment system hmangin awlsam takin sum a inthawn theih tawh dawn a ni.
Hawnnaah hian Reserve Bank of India (RBI) Governor Shaktikanta Das leh Monetary Authority of Singapore (MAS) managing director Ravi Menon te pawhin telpuiin Das leh Menon te hian sum an inthawn zui nghal a ni.
Modi chuan kum 2022 khan UPI kaltlangin Rs 126 trillion chuang transaction tum 74 billion vel kalpui a ni tiin a sawi a, payment platform te a rintlak em avangin a hmangtu ten rinna an nghat nasa zual zel a ti bawk a.
“Mithiam te chuan India digital wallet chuan awlsam takin cash transaction a luahlan mai dawn an ti,” tiin PM Modi chuan a sawi bawk.
“Prime Minister chuan UPI atanga hlawknate hi India chauh ni lo ram dangte pawhin an tel a ni, a ti” tiin thuchhuah zui chuan a tarlang bawk a. PM Modi kaihhruaina hnuaiah India chu fintech innovation lamah ecosystem thang chak ber a ni mek a, India chu digital payment infrastructure lamah ropui zual zel zawkin a siam ang an ti bawk.
UPI-based payment ecosystem hi tun hnaiah hman nasat em em niin January thla khan National Payments Corporation of India (NPCI) chuan international (phone) numbers te chu UPI hmang thei turin a siam tawh bawk a. A hnu lawkah PM Modi kaihhruai Union Cabinet chuan low-value BHIM-UPI transaction tihlar zual nan investivisation scheme a kalpui zui bawk.
February thla vek hian PhonePe chuan ‘UPI international’ payments kalpui tharin he mi hmang hian Indian users ram danga zin te chuan foreign bungruate UPI hmanga an lei theih turin a siam a ni.