Singapore Open second round lut Sindhu leh Prannoy
Thawhlehni khan Singapore Ope khelh mekah India innghahna lian pahnih PV Sindhu leh HS Prannoy-te chuan an tumpui ve ve hnehin first round an paltlang phawt.
Two-time Olympic medallist Sindhu hian Canada player Wen Yu Zhang lakah minute 31 lek chhunga straight games lain 21-14, 21-9 hnehna a chang a, Singapore Open Super 750 tournament second round a lut.
Sindhu hian chona lian zawk hmachhawn zui leh nghalin, Singapore Open champion hlui, Tokyo Olympic gold medallist leh World No. 5 ni bawk Chen Yu Fei of China nena an inkhel result erawh tarlan hman a ni lo.
Mipa lamah World No. 34 Prannoy chuan game khatna hloh zet chungin amah aia ranking nei sang zawk Denmark star Rasmus Gemke lakah 19-21, 21-16, 21-14 hnehna a sualchhuak a, round of 16 lama France mi Christov Popov nena an inkhel boruak pawh tarlan hman loh zingah a tel!
Thawhlehnia Indian player dang inlan rual khat Malvika Bansod, Anmol Kharb, Priyanshu Rajawat, leh Kiran George-te erawh an opening round singles match-ah an tlawm fai vek thung!
Singapore Open second round lut Sindhu leh Prannoy
