Australian Open khelh mekah thawhtanni khan champion lai Jannik Sinner chuan hnehna a chang a, quarter-final a lut. Sinner hian tualchhung tlangval Alex de Minaur a hmachhawn zui leh dawn a, semi-final lut turin fiahna hautak a pal tlang a ngai dawn.
World No. 1 Sinner hian an kum rualpui zingah player beisei awm ber pawl Holger Rune chu last 16-nah a hmachhawn a, inkhel hmuhnawm takah set khat hloh chungin hnehna a chang. Inkhel hmuhnawm takah Sinner hian bul a tan tha a, break a neih a chhawr tangkai a, game thum hloh chungin set khatna a la.
Set khatna a hloh mah se Rune a insiamtha thuai a, set hnihnaah game thum hloh chungin set a la zui ve leh. Set khat ve ve an lak hnuin inkhel hmuhnawm tak an lantir chhunzawm a, inbeitawk viau thin mah se tharum ngah zawk leh tlo zawk Sinner chu hum pawimawhah a che fuh leh thin a, champion lai hian break a neih chhawr tangkai zui lehin set a la nawn leh. 2-1 a hma a hruai hnuin Sinners a khel tha chhunzawm a, awlsam zawka set lina lakin Rune lakah hian 6-3, 3-6, 6-3, 6-2 in hnehna a chang a, quarter-final a inhlangkai.
Quarter-final-ah champion tura rinkai ber Jannik Sinner hmaah ding a, fiahna hautak hma chhawn turin tualchhung tlangval Alex de Minaur chuan a khingpui Alex Michelsen chu 6-0 7-6 (7-5) 6-3 in a hneh a, quarter-final a lut. |antu nei tha tak Minaur hian inlehthalna lian thlentirin quarter-final paltlang ngei a tum dawn a. Sinner nen an inhnehtawk viau a rinawm.
Sinner hmachhawn tu Minaur
