Manipur-a Zofate leh Meitei kara buaina kal mekah November 7 khan Zofate chenna chin lam, frontline-a duty tur 46 Assam Rifles ten Mata khuaa an lo dan avanga mipui leh sipai innawrnaah sipai kut tuar hmeichhe pakhat chu a ke a chet theih loh avangin Aizawla enkawl turin November 13 khan Civil Hospital Aizawlah thlenpui a ni.
Thudawn danin, Singngat khua Lamka atanga Mizoram lam hnaiha volunteer duty tura frontline pante chu 46 AR hian lo dangin an tibuai a, duty tumte chhan tur hian mipui an thawkchhuak a. Hmeichhia engemawzat chu sipaiin kut an thlak avangin an hliam a ni. An zinga pakhat Thuamneihdim (27) New Lamka chu a ke dinglam a chet theih loh bakah zun leh ek chungchanga harsatna a tawh zui avangin Aizawla enkawl tura kalpui a ni a, Civil Hospital Aizawlah enkawl mek a ni.
Sipai kut tuar Manipur Zofa Aizawla enkawl tur thlenpui
