Skill hmanga inelnaah Mizoramin medal 8 la
Sawrkar laipui Ministry of Skill Development (MSDE) hnuaia National Skill Development Corporation leh Skill India tangdunin New Delhi-a National Skill Competition – Indiaskills:2024 a buatsaihah Mizoramin medal 8 a la.
Intihsiak kharna inkhawmah MSDE secretary Atul Kumar Tiwari chuan India ram chu skill-ah a thangharh nasa tih a sawi a. Thalaite hma la thar zel turin a chah. NSDC CEO Ved Mani Tiwari chuan hmarchhak state-te skill lama hma an sawn nasat zia sawiin, Mizoramin hma a sawmna chu fakawm a tih thu a sawi a ni.
Labour, Employment, Skill Development & Entrepreneurship department hmalaknain Mizoram chuan Indiaskills Competition: 2024-a tel turin trade 16-ah mi 16 a tir a. Intihsiak hi May 16-19 chhunga neih niin, May 20-ah a kharna inkhawm hman a ni.
Indiaskills 2024 National Competition-ah hian mi 1000 chuang state hrang hrang atanga state-a titha theuhte an tel a. Trade 61 hnuaiah intihsiak a ni. Mizo thalaite hi skill trade 16-ah an tel a. Gold leh silver dawngte hian Worldskills: 2024, Lyon France-a kumin September-a neih turah India aiawhin intihsiak an hmachhawn leh dawn a ni.
Mizoram hi Indiaskills inelnaa tum hnih an telna a ni a, kum 2022 khan gold leh bronze medal pakhat ve ve an lo la tawh a ni.
Mizoram atanga lawmman dawngtu:
Hming Lawmman lak Trade
Maximus Lalruatkima Gold Floristry
Vanlalbiakdiki Gold Shoe Making
Emily VL Thakimi Gold Fashion Technology
Anthony Lalchhanhima Silver Drone Film Making
Laltlanzovi MoE Hair Dressing
Vanlalhriatchhungi MoE Beauty Therapy
Liansangrem MoE Plumbing & Heating
Lallawmkima MoE Electrical Installation
* MoE – Medallion of Excellence