Alfred ‘Al’ Blascjke, kum 106, chu tandem skydiver upa ber record a siam leh ta. Alfred hi January ni 4, 1917 a piang niin, Texas, USA-a cheng a ni a, kum 106 leh ni 327 a upa a nihin midang puihnain skydiving a ti leh a, tandem skydiver upa ber record a siam leh ta a ni.
Alfred hian 2020 khan kum 103 mi niin, feet 14,000 a sang atanga tandem skydiving tiin a vawi khat nan record a siam a, hemi tuma a record siam hi a tu, phir te college graduation lawmpui nana a tih a ni. Chutihlai chuan, “Hei hi ka duhthusam a ni. Hetiang chen hi ka dam ang tih ka inring ngai lo,” a ti bawk.
Alfred hian 2017-ah kum 100 mi niin a vawi khat nan skydiving a ti a, chumi hnuah a zawngchhang ta riau a ni. 2020-a a record siam hi 2022-ah Swedish hmeichhe, Rut Linnea Ingegard Larsson-i’n a rawn khum a, ani hian kum 103 leh ni 259a upa niin, tandem skydiving a rawn ti a, 2020-a Alfred record hi a rawn khum a, tunah Alfred hian Rut-i record hi a rawn khum ve leh ta a ni.
Skydiver upa ber
