SM Entertainment-in English boy group an din hmasak ber, Dear ALICE chuan an documentary series, ‘Made in Korea: The K-Pop Experience’ official OST an tichhuak dawn ta.
Kumin August atanga September chhung khan BBC One leh BBC iPlayer kaltlanga tihchhuah lo ni tawhin, ‘Made in Korea: The K-Pop Experience’ ah hian Dear ALICE member te’n, South Korea khawpui Seoul-ah ni 100 chhung tehmeuh K-Pop nunchan khirh tak tak an zir dante leh an zinkawng an paltlang dan te tar lan a ni.
OST official album-ah hian track paruk a awm dawn a, chung zingah chuan title track ‘Best Day of Our Lives’ pawh a tel dawn a, hei hi Steve Mac leh Tom Grennan te kutchhuak a ni a. Kenzie leh Dsign Music te kutchhuak ‘Vibes’, ‘Solar’, ‘Life is a Movie’ te bakah, ‘Classic’ leh ‘Time With You’ te pawh an tel dawn bawk.
He album hi November 1, 2024 hian an tualchhung huna zan lai pelh hnuah khawvel puma streaming platform kaltlangin en theih a ni ang.
Dear ALICE hi member Blaise Noon, Dexter Greenwood, James Sharp, Oliver Quinn, leh Reese Carter te awmna a ni a, SM Entertainment leh Moon&Back Media te thawhhonaa English boy group hmasa ber a ni.
SM Entertainment-in English boy group an din hmasak ber, Dear ALICE chuan an documentary series tichhuak dawn
