Rock band Smash Mouth lead singer thin Steve Harwell, kum 56, chu an rama September ni 4 zinglam khan Boise, Idaho-a a chenna inah a thi. Steve hi hospice care-ah rei ngial a lo awm tawh a, a thupuangtu Robert Hayes chuan, “A chhungkhat laina hnai leh thian tha ten an dawm hlum a, thlamuang leh hahdam takin a kal ta,” a ti.
Harwell hi Smash Mouth dintu zingah telin, an band hi San Jose, California-ah 1994 khan an din a, an hla “Walkin’ on the Sun,” “All Star,’ leh The Monkees hla an cover “I’m a Believer” te chu an larpui hle a, ‘All Star’ leh ‘I’m a Believer’ phei hi chu 2001 a animated movie hriathlawh tak Shrek-ah khan an hmang nghe nghe a ni.
A rimawi career bakah Harwell hi 2001 khan comedy film Rat Race-ah inlanin, VHI reality show ‘The Surreal Life’-ah 2006 khan a inlan tawh bawk.
A taksa hriselna a tlakhniam avangin October 2021 atangin rimawi a chawlhsan a, inenkawl turin Smash Mouth pawh a chhuahsan ra a ni. Harwell hian cardiomyopathy leh Wernickes encephalopathy te a nei niin an sawi a, hei hian a motor function tibuaiin, tawng lama harsatna a neih bakah a thil hriatreng theihna thlengin a tibuai a ni.
Smash Mouth singer Steve Harwell a thi
