Michael Jordan-a 1998 Finals sneaker (Air Jordan XIIIs) chu 2023 khan dollar maktaduai 2.2-in an hralh a, sneaker hralh to ber record a la ni.
Sneaker sawi takah chuan 1800s kha khawvelin sneaker a hmelhriat tanna a ni a, Americanchemist Charles Goodyear chuan tlo zawka thelret (rubber) siam theih dan, vulcanization a hmuchhuak a. 1860s-ah chuan UK leh USA-a company-te chuan pheikhawk a hnuai rubber, a chung canvas an siam tan tawh.
UK-ah chuan John Dunlop-a New Liverpool Rubber Company chuan ‘sandshoes’ an tih mai an tlangzarh a, a hnuah Plimsoll tiin a hming an thlak a. USA-ah chuan Peck & Snyder Sporting Goods chuan ‘croquet sandals’, rubber chhuat phah nei pheikhawk an hralh chhuak ve bawk. Hengte hi sneaker hmasa an ni ta a ni.
Tunhma chuan ‘gum shoe’ tiin an sawi mai thin a, ‘sneaker’ tih thumal tak hi ziaka hmuh theiha a awmna hmasa ber chu 1887 kha niin, Boston Journal of Education-ah a lang a, zirtirtuin mipa zirlai te chu an tennis shoe chithar avangin thawm nei lova pût kual (sneak) vel nan an hmang ni a sawiin, heta tang hian ‘sneaker’ tih chu a lo chhuak ta a ni.
Sneaker hralh to ber
