Mizoram Snooker & Billiards Association (MSBA) buatsaih Mizoram Snooker 6 Red Championship -2024-2025 chu November 23, Inrinni zan khan a hmawrbawk a ni a, champion thang Lalrina Renthlei; Tuikhuahtlang a champion.
Mizoram Snooker 6 Red Championship (2024-2025) Final hi inrinni tlai dar 4:00 khan khelh a ni a, Race to 4-a khelh a ni. Final-ah hian Lalrina Renthlei, Tuikhuahtlang leh Lalsangzela, Khatla South te an inhmachhawn. MSBA player chhuanvawr pahnih inhmachhawn an ni a, an inkhel a hmuhnawm a, a entu lam pawh an tang hle. Inkhel hmuhnawm takah hian Lalrina’n point 67 – 0 leh 62 – 1 a a zawna frame 2 a lak hnuah Zela’n 0- 49-in frame khat a la a, chumi hnu chuan, Lalrina’n 56 – 26, 31 – 28 in a zawnin frame 2 a la leh a, 4 – 1 a chakin, a champion zui ta a ni.
Lalrina hian final lut turin semi-final ah PB Liansangzuala chu 4-1 in a hneh a, final-a a khingpui Lalsangzela hian final lut turin Samson Lalnuntluanga, Venghlui chu 4 – 0 in a hneh ve bawk.
Snooker champion Lalrina
