Social Media-in sorkar laka lungawilohna

Humza Yousaf chu Scotland first minister ni tur leh SNP leader Nicola Sturgeon thlak tura thlan a ni a. SNP establishment te duh rawn leh Sturgeon ngei pawhin a thlan leh duh tia sawi a ni.
Health secretary ni lai niin a elpui ber thin Deputy First Minister John Swinney an a rawt ngat niin Yousaf chuan ‘independence kawng min zawh zawhpui thei ang’ tiin a sawi.
Tawnhriat ngah tak mai niin justice secretary leh transport minister pawh lo ni tawh a ni a. Communicator tha zet mai niin party inlungruala siamtu tia sawi niin Scottish Greens te nen pawha power-sharing agreement siamtu an ti bawk.
Sturgeon nena inhnimhnai tak niin Yousaf chu first minister ni mek Sturgeon hnathawh chhunzawm tur tih a ni bawk a. UK sorkarin Sturgeon in gender recognition reform kalpui a tum a hnawlsak dodaltu langsar tak niin Scotland-a independence a nih ngawt loh chuan ‘progressive values’ kalpui tak tak a hasa dawn tia ngaihdan neitu a ni.
Mahse Yousaf chuan Sturgeon in ruahmanna a eniha inthlan leh hmaska ber chu de facto referendum anga ngaih a tumna chu a hnawl thung a, chu ai chuan independence duh lam te tihlen zela chumi hnuah referendum neih chauh duh zawk a ni.
Yousaf chuan amah chu mi hrang hlak a nih thu sawiin ka duh dan angin ka kal tiin a sawi a. Chutihrual chuan, “Nicola Sturgeon first minister a nihna anga a hnathawh hi ka dah sangin ka ngaisang a ni,” a ti a, “Leadership kalpui dan danglam a nei a, kei pawh a danglam ang a, inner circle zim zawk leh huapzo zawk a ni thung ang,” tiin a sawi.
Sawiseltute erawhin an sawisel na tho va, Lapur hotu Jackie Baillie chuan engmah hlawhtlinna tak tak nei lo ti thungin ‘record awm china health secretary chhe ber niin first minister chhe ber tur nih tum mek’ a ti zui hrep thung.
SNP leadership contender Kate Fobres pawhin STV debate neihnaah, “Transport minister i ni a, Rel te a hunah an tlan ngai lo, justice secretary i nih laiin police te an mumal lo va, health minister i ni mek a, damdawi ina inentir tura innghah ngai nasa ber a thleng mek bawk,” a ti thung.
Yousaf hi kum 2014-a gay marriage chungchanga final vote-ah a inlan loh avangin sawisel a hlawh hle bawk a, a tel lohna chhan chu Glasgow mosque atanga sakhuana thila nawrna a tawn vang an ti a, hei erawh Yousaf chuan a pha thung.
Kum 37 mi lek ni chunga Scotland first minister a nih khan ethnic minority leader hmasa ber niin UK party-a Muslim leader hmasa ber a ni bawk.
A pa chu Pakistan chhuak niin kum 1960 chhova Scotland-a pem a ni a, a nu erawh Kenya a South Asian family chhuak a ni thung a, Yousaf chuan racis abuse a tawn nasat thu a sawi.
Hutchesons’ Grammar private school, Glasgow a zirchhuak niin hetah hian Scottish Labour leader Anas Sarwar te pawl hnuai a ni a. Glasgow University ah politics a zir hnuah call centre-ah thawk ve rengin chumi hnuah SNP SMP Bashir Ahmad hnuaiah leh Alex Salond hnuaiah parliamentary assistant hna a thawk zui a ni.
Kum 2011 khan Glasgow region atanga MSP a thlan tlin niin chumi hnuah Salmond chuan minister for Europe and international development-ah a ruat zui a.
Kum 2016 khan transport minister niin Glasgow Pollok atangin Labour party hminga thlan tlin niin he Scottish Parliament seat a ethnic minority candidate thlan tlin hmasak ber a ni zui a ni.
Kum 2018 khan Sturgeon chuan justice secretary-ah a ruat a, mahse a hate crime bill putluh chuan sawisel a tawk nasa thung a, mahse, March 2021 khan MSP te chuan nasa taka siam danglamin an pawm a, mahse, tun thlengin dan anga hman erawh a la ni lo thung.
Chetsual zeuh zeuh pawh neiin Rangers player ten chi inthliarna lam hawia inhmuhsitna tawngkam an hmang tiin video a tweet a, a sawisel zuina chu enfiah a nih hnuah a fake a ni tih lailan a ni bawk a.
May 2021 khan Health Secretary a nih atanga kar thumnaah Covid avangin damdawi Inah naupang 10-in nunna an chan tia sawia fimkhur a tul a tih zui chu a hriat fuh loh vang tiin ngaihdam a dil zui bawk.
Health secretary a nih laiin damdawi Inah damlo entir turte leh damdawi in lut turte innghahtirna a thleng nasa a, mahse, hei hi chu Yousaf chuan Scotland-ah chauha thleng a ni lo va, NHS staff te lungawilohna lantir kal zel avanga buaina tiin a sawifiah thung.
Thlawptu nei thovin SNP’s Westminster leader Stephen Flynn chuan hruaitu tha a nih tur thu a sawi thung a, Flynn chuan Scotland in economic lama harsatna a tawh meka chingfel thei tura tha ber a ni a ti thung.