March 19 khan World Social Work Day a ni a. He ni denchhen hian Mizoram Professional Social Workers’ Association (MPSWA), Mizoram University-a Department of Social Work, ICFAI University Mizoram leh Divine Mercy College tangho buatsahin Aizawlah hun hman a ni.
He hun buatsaihtuten chawimawina an hlan, minister B Lalchhanzova chuan social work zirna hawn a nih hma chuan social work lampum hre mumal pawh an awm lo a, tunhnaia social work hna chak taka thawh a nih chhan bulpui ber chu social work zirlaite leh zirtirtute tuh rah a ni tih a sawi. Amah ngei pawh master of social work zirchhuak a nih angin, social work hna pawimawh zia a hrechiang a, social worker ni tur chuan drug addiction chungchang bakah upate enkawl lam thlengin hriat a ngai, tiin, social work chawinun kawngah a theih ang tawka hma a lak tur thu a sawi a ni.
Aizawla World Social Work Day hmannaah hian Tata Institute of Social Sciences Guwahati-a School of Social Work dean Prof. Kalpana Sarathy chuan khawtlang ziarang leh nunphung hmang tangkaia thawhonna tha tak neih a pawimawh dan leh chu thawhhona chuan ram hmasawnnaah a tha lam zawnga rah a chhuah theih thu a sawi a ni.
Social Work Day hmang
