Software Technology Park
din dan tur rawn bawhzui
Information & Communication Technology minister Dr Vanlalthlana leh Software Technology Parks of India (STPI) director general Arvind Kumar chu Nilaini khan Aizawlah an inkawm a. Changtlung leh chak zawka Mizorama STPI din a nih theih dan tur an sawidun.
ICT minister hian Mizoram thalai zinga IT kaihhnawiha ngaihtuahna leh thiamna nei leh ei zawng duhten bul an tan theihnan STPI hi Mizoram-in a mamawh tak a ni tih a sawi a. Chak taka hma lak a nih theihnan state sawrkarin theihtawp a chhuah dawn tih a sawi.
STPI chu Aizawl bakah Lungleia din a nih theih dan sawiin, Aizawla MZU, NIT, NIELIT leh computer application course zirlaite behchhana a din theih angin, Lungleiah pawh Mizoram Engineering College, Polytechnic Lunglei leh computer application course zirlaite behchhana din theih a ni tih a sawi.
STPI hotute hian ruahmanna lo siam turin minister hi an chah a, rang taka hma lak an inhuam tih an sawi a ni.
STPI director general hi tunhnaia minister Dr Vanlalthlana New Delhi-a Electronics and Information Technology minister Ashwini Vaishnaw a dawrna bawhzuia Mizorama rawn kal a ni a. Guwahati jurisdictional director Vandana Srivastava chuan a rawn tawiawm a ni.
Software Technology Park din dan tur rawn bawhzui
