Sorkar ding lai hnuaiah sorkar hnathawk tur mi 4608 lak a ni tawh a, a tam ber chu hna nghet tia sawi ‘regular’-a thawk tura lak an ni.
Regular-a thawk tur hi mi 3152 lak a ni tawh a, PE basis-aah mi 726 lak niin, contract-a thawk tur mi 730 lak an ni tawh bawk.
Contract-a thawk tur hi department pasariha thawk tur an ni a, health & family welfare department-ah mi 139, home-ah mi 14, law 7 judicial-ah mi pahnih, PHE-ah mi 10, planning-ah pakhat, PWD-ah 10, school education-ah mi 554 lak an ni.
A ngheta thawk tur hi department 33-ah lak a ni a, PE basis hi department 32-ah lak a ni.
A ngheta thawk tur lak tam berna chu home department a ni a, mi 961 lak a ni. School education department-ah mi 724 lak a ni a, health & family welfare department-a mi 287, higher & technical education department-ah mi 134, environment, forest and climate change department-ah mi 133, finance department-a mi 118 lak a ni. Heng hi mi 100 chuang laknate a ni.
Assembly Session hnuhnung berah khan chief minister Lalduhoma, DP&AR changtu chuan, “DP&AR chuan a phalna tel lova hna lak a awm leh awm loh a hre lo,” tiin DP&AR phalna lova hna lak a awm em tih zawhna a chhang.
“Sorkar dang ding lai zawm lova hnathawktu tur lak an lo awm a nih chuan DP&AR chuan a hriatpui lo a ni,” a ti bawk.
8 Sorkar ding lai hnuaiah a ngheta thawk tur mi 3152 lak a ni tawh
8 PE basis-a thawk tur mi 726 lak a ni tawh
8 Contract-a thawk tur mi 730 lak a ni tawh
8 Sorkar hnaah mi 4608 lak a ni tawh
Sorkar hnathawk mi 4600 chuang la tawh
