Government Employees National Confederation (GENC) hnuaia State leh union Government bakah public sector unit a hnathawk sang tel tehmeuh chuan New Delhi-ah kawngzawhna neiin old pension scheme (OPS) hman leh an ngiat a ni.
Workers aiawh te chuan Union Finance Minister Nirmala Sitharaman pawh hmuin memorandum thehlutin National Pension Scheme (NPS) hman meka an lungawilohna te an thlen a ni.
GNEC hi Bharatiya Mazdoor Sangh (BMS) Sangh Parivar hnuaia trade union leh industrial unit a ni.
OPS chu guaranteed pension basic pay hnuhnung ber atanga 50% lak theihna leh price neutralisation awmin dearness relief provision awm a ni a, chu mai bakah Central pay Commission rawtna mil zela ennawn tur a ni an ti bawk a. Heng hnathawk lungawi lote hi Defence, Railways, Postal leh Central sorkar hnuaia establishment Archaeological Survey of India leh EPFO a thawk te an ni.
Sitharaman hmutu zingah hian BMS general secretary Ravindra Himte leh GNEC general secretary Sadhu Singh te an tel a. Singh chuan BMS chuan a tir atangin January 1, 2004 a Old Pension Scheme (CCS Pension Rules, 1972) tihtawp a, ordinance hmanga December 22, 2003 a NPS hmant ir tih atang khan an dodal tawh a ti a.
NPS chu non-guaranteed, market-based contributory pension scheme a ni a ti bawk a.
“January 1, 2004 hma zawng khan chuan old pension scheme chu non-contributory guarantee niin hlawh lak hnuhnung ber atanga 50% chu pension a lak tur a ni a. Chumai bakah scheme chu price index nena thlunzawm niin chuvang chuan kum khatah tum hnih January leh July ah dearness allowance a awm bawk. Sorkar hnathawk te chuan India sorkar chu NPS titawpa OPS hmang leh tur kan ngen a ni,” tiin BMS te memorandum chuan a tarlang.
Sitharaman hnenah State sorkar thahnem tak chuan NPS titawpin OPS an hmang leh tawh an ti bawk a. “OPS la hmang ve lo State-a hnathawk leh Central sorkar hnuaia hnathawkte chuan min ngaihtuah sak ngei kan ngiat a ni,” tiin memorandum chuan a tarlang bawk.
Sorkar hnathawk ten OPS a let leh ngiat
