Union Cabinet chuan Central sorkar hnathawkte Dearness Allowance (DA) leh pensioner te Dearness Relief (DR) additional installment pek chhuah a rem ti a, January 1, 2024 chu behchhana hman tur a ni ang.
A san belhna tur chu tunah basic pay/pension a\anga 46% a\angin 4 percentage point-in a sang dawn a, chu chu thil man sang zel avanga chhawmdawlna tur a ni tiin sorkar chuan a sawi a. Hei bakah hian allowances dang rent allowance, canteen allowance leh deputation allowance te pawh tihsan a ni nghal bawk.
Union Minister Piyush Goyal chuan DA leh DR tihsan avanga sorkarin sum a sen belh tur chu kum khatah Rs 12,868.72 crore a ni ang a ti a. “Central sorkar hnathawk 49.18 lakh leh pensioners 67.95 lakh ten an chhawr dawn a ni” tiin a sawi.
Goyal chuan DA tihsan chu formula pawmsa behchhan leh seventh Central Pay Commission rawtna anga kalpui a ni a ti a. Lok Sabha inthlanna neih hma in Central sorkar hnathawkte chuan old pension scheme hman leh ngiatin nawrhna liantham kalpui an tumt hung a. Hei bakah hian sorkar hnathawk te chuan Centre chu promotions, pension leh salary a dikhlel awm te siam \ha turin an phut bawk.
Kumin financial year-ah Centre chuan DA pek belh dawn avang hian Rs 15,014 crore a sen belh dawn a ni. Goyal chuan transport allowance, canteen allowance leh deputation allowance pawh 25% a tihsan a ni ang a ti bawk a. House rent chu basic pay 27%, 19% leh 9% a\angin 30%, 20% leh 10% a tihsan a ni ang a ti bawk. Gratuity benefit pawh 25% a tihsan ni dawn bawkin a ceiling pawh tuna 20 lakh a\angin 25 lakh ah tihsan a ni dawn bawk a. He mi avanga Centre in sum a sen belh tur chu kum khatah Rs 9,400 crore vel a ni dawn a ni.
Sorkar hnathawkte DA/DR tisang
