Sorkar in ‘Bharat Ratna’ dilpui dawn

India civil mite chawimawina sang ber Bharat Ratna chu Maharashtra cabinet thukhawm chuan nilainia boral ta Ratan Tata an dilpui dawn.
Maharashtra chief minister Eknath Shinde chuan ningani khan he thu hi sawiin, a cabinet chu ningani khan hmanhmawh taka an thutkhawm thu sawiin, an state mai ni lo, khawvel pum a mi hmingtha, India fapa chuam chu Bharat Ratna dilpui ngei nise an ti a, hei hi Ratan Tata-a’n a thiltih zawng zawng phu zo erawh a la ni chuang lo, a ti.
Chawimawina sang Padma Vibhushan pawh lo dawng tawh Ratan Tata hi kum 86 mi niin nilaini zan khan Breach Candy Hospital, Mumbai-ah a boral a, Maharashtra chuan an fapa chuam hi a ropui thei ang bera thlah an tum thu an sawi.
Chief minister Shinde chuan Tata tana kan tih theih hnuhnung ber chu Bharat Ratna a dawn ngei theih nana beih a ni a, kan state mai bakah India tana a thiltih zawng zawng hi theihnghilh a ni tawh lovang. A ropui tak zet a ni, tiin. A inpekna leh a kaihhruaina zawng zawng hian engmah a hen zo lo, a ti a. Bharat Ratna pawh hi lo dawng pawh nise, a aia sang zawk hi a phu a ni. Mahse, India civil mite chawimawina sang ber a nih rih miau avangin, a aia sang a awm si lo, a ti bawk.