Nimin khan Sport & Youth Services depart-ment minister leh Mizo-ram State Sports Council (MSSC) president ni bawk Lalnghinglova Hmar chuan MSSC hnuaia sports association hrang hrangte enkawl hmunhma Ramhlun Sports Complex a tlawh a, MSSC secretary John |anpuia’n a tawiawm.
He hunah hian sports association hrang hrang hruaitute chuan sport minister hi lo dawng-sawngin, an mahni hmun ngeiah an mamawhte an lo sawipui a, sports hmunhma tihchangtlun dan tur hrang hrangte sawiho nghal a ni bawk.
Minister Lalnghing-lova Hmar chuan, “Sports lama kan ngaih-pawimawh hmasak tur chu a infiammite leh a enkawltu sports asso-ciation a ni a, chuvangin sports association hmun-hma MSSC hnuaia awm-te hi kan tlawh a ni.
“Sports association hruaitute nen hmaichhana kan inkawm thei leh a hmun ngeia an mamwhte ka hmuhpui thei hi ka lawm a, an harsatnate min hrilh a, kan theih chinah theihtawp chhuah-pui kan tum ang.
“Kan sawi tawh angin, medal la thei tura inchher kan tum dawn a, chu lam hawi chuan ke pen zel kan tum a, kan hmunhma neih ang angte hi a tha tawk lo a nih pawhin hmangtangkai ila, dim leh duat takin i enkawl ang u,” a ti.
MSSC-in a enkawl Ramhlun Sports Com-plex tia hriatah hian sports association hrang hrang – boxing, volleyball, bas-ketball, football, wrest-ling, body building, weight-lifting leh tennis an awm.
Sport minister-in sports complex tlawh
