Sports & Youth Services department huaihawt Mizoram Sports Conclave chu vawiin, June 14 atang hian Baptist Centre Falkland Aizawlah neih a ni dawn a, naktuk thleng a awh ang.
Mizoram Sports Conclave – Preparing Mizoram for Olympic Games 2036 hi national level sports intawhkhawmna niin, Olympics 2036-a Mizo infiammi tam thei ang berin Olympic medal an awrh theihna tura inbuatsaihna hmasa a ni. Mizorama national level Sports Conclave hmasa ber tur niin, India ram state zingah Mizoram chu Olympics 2036 vision neia hetiang buatsaih hmasa ber a ni.
Sports minister Lalnghinglova Hmar leh Sports & Youth Services department-in sawrkar laipuiah bawhzuiin, Ministry of Youth Affairs & Sports-a Department of Sports chuan Sports Conclave buatsaihna atan hian Scheme of Human Resources Development in Sports hnuaiah Rs. 68,80,500 a ruahman sak a ni.
Sports Conclave nei dawn
