Sports lam tihhmasawnna atan project
thehlut turin DoNER minister-in chah
New Delhi-a cham mek Sports & Youth Services minister Lalnghinglova Hmar chuan Nilaini khan Union minister for Development of North Eastern Region (DoNER) Jyotiraditya Scindia hmu in, DoNER ministry kaltlanga Mizoram leh hmarchhaka sports tihhmasawn theih dan hrang hrang a sawipui.
Minister chuan India-in Olympic Games 2036 thlen a tum a, sports talent tha awmna Mizoram leh Northeast state dangte an phur thar hle tih a hrilh a. Olympics 2036-a India aiawh tam zawk chher turin Mizoram leh Northeastern state dangten infrastructure leh infiammi tihhmasawn kawngah sawrkar laipui, a bikin DoNER ministry puihna an mamawh tih a sawi.
DoNER minister chuan Mizoram Sports minister chu sports discipline hrang hrangah result liantham nei thei tur project siam uar turin a lo chah a. Project proposal tam zawk nen New Delhi-a inhmuh leh thuai a duh tih sawiin, Mizoram chu theihtawp chhuaha puih a inhuam tih a lo hrilh. Remchang hmasa berah Mizoram zin leh a tum thu a lo sawi bawk.
DoNER minister hian 2024 November 14 khan Mizoram a rawn tlawh a ni.
Sports lam tihhmasawnna atan project thehlut turin DoNER minister-in chah
