Spurs mi thar pahnih Veliz leh Micky
Tottenham Hot-spurs chuan kum 2029 thleng kawl turin Ne-therlands Under-21 defender Micky van de Ven leh Argentina U20 forward Alejo Veliz inremna an ziahpui.
Wolfsburg atanga kum 22 mi Van de Ven an leina sum hma-hruaiah Spurs hian euro maktaduai 40 (£34m) an phawrh phawt a, a khelh dan azirin a man hi euro maktaduai 50 (£43m) thleng kai chho thei tura inbiakfel a ni.
Argentine rawlthar kum 19 mi Veliz hian Rosario Central atangin London club hi a zawm a, a man hi pound maktaduai 13 nia tarlan niin, work permit tihfel hmabak a la ni.
Kum 2019-a Rosario Central a zawm hnuah Veliz hian July 2021 khan first-team debut nghakchhuakin, Argen-tine Primera Division club tan hian inelna hrang hrangah game 62 khelin goal 19 a thunsak.
U20 level-ah Veliz hian Argentina tan match kua khel tlingin goal thum a thun a; kumina Under-20 World Cup leh South American Under-20 Champion-ship-ah ram tan a inlan ve ve bawk.
Van de Ven hian kumin European Cham-pionship-ah khan cap-tain ni chungin Nether-lands Under-21 team a inlanpui nghe nghe.
Season liamta khan Bundesliga game 33 khel tlingin, a kalsan tak Wolfsburg kha Dutch side Volendam atangin kum 2021 khan pound maktaduai 3 lekin a zawm a, German club hian hlep tamtak neiin an hralhchhuak leh ta a ni.
A hun hmasa lama left-sided centre-back ni thin Ven-a hian season liamta inelna hrang hranga match 36 a khelhah khan game ruk chu left-back niin a khel.
Player pahnih hian Tottenham-a kum ruk khel turin inremna an ziak ve ve a, tun nipui laia Spurs player lei thar palina leh pangana niin, a hma khan England midfielder James Ma-ddison, Italian goal-keeper Guglielmo Vica-rio leh Israel winger Manor Solomon-te an lo senglut fel tawh a ni.
Spurs hian Thawh-lehni khan pre-season friendly match an khelh tawpnaah 2-4-in Barce-lona an hneh lo a, he Joan Gamper Trophy-a an goal hnih hi Oliver Skipp-a tihluh ve ve niin, Pathiannia season thar Premier League bul an tanna inkhelah Brent-ford an luhchilh ang.
Spurs mi thar pahnih Veliz leh Micky
