ST Sailo ‘3rd Solo Painting Exhibition’ chu Thawhtanni khan minister Lalthansanga’n S&S Art Gallery Venghlui-ah a hawng.
Artist-ten an hun, tha leh ngaihtuahna nasa tak an seng thin tih minsiter hian sawiin, kan ramah lemziak chu eizawnna tlaka kan chawikan a pawimawh tih a sawi. “Khawvelah thiamna lo sang zelin, khawl thiltihtheihna hmangin lemziak mawi tak ni awmte rawn siam mah se, heng hian artist-te hlutna a dah hniam loa, artist-ten an ngaihtuahna chhungril ber hmanga an ziah chhuah lemziakte hian an dinhmun a chawisang zel zawk a ni,” a ti.
Exhibition-ah hian acrylic hmanga lemziak chi 36 phochhuah an ni a. August 9 thleng chawhma dar 10 atanga zan dar 8 thleng a tlawh theih a ni.
ST Sailo hian kum 2016 leh 2023 khan Mizormah solo painting exhibition a lo nei tawh a. Mizoram pawnah Kolkata leh Delhi ah tum hnih ve ve a kutchhuak a lo phochhuak tawh a ni.
S&S Art Gallery ah painting exhibition
