The Eras Tour show a neih tawhna hrang hrangah a lo bun chhuah tawh, Louboutin boot nalh zek zawk tak chu November ni 20 zana Rio de Janeiro-a Eras Tour concert a neihnaah pawh Taylor Swift chuan a bun chhuak leh ngei a, mahse, chu boot duhawm keartui chu stage-ah a thlawn ta hlauh mai a, Swift hian a pheikhawk keartui thlawn chu mipui zingah a tlawh lut ta daih a ni.
Zaithiam te hian stage-ah an thawmhnaw lama harsatna han tawh zeuh chang te an nei ve thin a, Swift hian a che ‘pro’ lehpek khawp mai. A talbuai mai lo. 2019-a a single ‘The Man’ hla a sak laiin a pheikhawk manto, Louboutin boot keartui pakhat chu a thlawn tlat mai a, a dingdihlip ta auh auh mai a ni. Swift chuan a pheikhawk keartui chu a pawt thla ta law law a, mipui lamah a vawrh lut ta a ni.
November ni 20 zana show a neih hi a tirah chuan November ni 18 zana nei tura ruahman a ni a, mahse, Brazil khawlum lutuk avangin show an neih hun hi an sawn hla ta hret a, hei bakah hian a show hmasa zawk, a zan khatnaah a concert chhimtu zinga mi, fan pakhat Ana Clara Benevides Machado chu stadium chhunga a awm laiin khawlum lutuk tuar lovin cardiorespiratory avangin vanduaithlak takin a thi a, heng boruak vel avang hian concert neih hun an sawn ta a ni.
Stage-ah Taylor Swift pheikhawk keartui a thlawn
