Tamil Nadu Chief Minister MK Stalin chuan Union Home Minister Amit Shah chu Gujarat a inbun diary giant Amul te chu southern State a bawnghnute an lei titawp nghal tura hrilh turin a ngen.
Shah hnena lehkha a thawnah Stalin chuan Kaira District Cooperative Milk Producers’ Union (Amul) tena Tamil Nadu a bawnghnute an lei avanga harsatna awm te a sawi lang a ni.
Tun hnaiah Amul chuan multi-state cooperative license an neih te chu hmangin chilling centres leh processing plant te Krishnagiri district ah an bun a ni, tiin Stalin chuan a sawi a.
Amul te chuan bawnghnute te chu FPOs leh SHGs hmangin Krishnagiri, Dharmapuri, Vellore, Ranipet, Tirupathur, Kancheepuram leh Tiruvallur district, Tamil Nadu ah te lei an tum tiin a sawi bawk a.
“India ramah chuan midangte milk-shed area tibuai lovin cooperative te chu an kal thin a. Tuna Amul te hmalak hi ‘Operation White Flood’ spirit kalh niin ram chhunga bawnghnute mamawh tawk awm lovah consumer te harsatna a thlen zawk ang. Amul te hian Aavin’s (TN Co-operative Milk Producers Federation) milk shed area cooperative spirit a kum sawm tam kalpui tawh hi an tibuai a ni” a ti bawk.
“Amul te hian cooperative te ah inelna tha lo tak bawnghnute leh bawnghnute atanga thil siam chhuahah a siam dawn a ni” tiin a ziak bawk a.
“Tamil Nadu state ah regional cooperative te chu dairy development lama sulsutute an ni a, a man sang lutuk tur venga chet la tur pawha tha ber an ni zawk” tiin a sawi bawk.
Hei vang hian Amul te chu Tamil Nadu a Aavin tena bawnghnute an lakkhawmna atanga inrawlh bansan tur hrilh turin ka ngen che a ni, tiin Chief Minister chuan a ziak bawk.
Stalin chuan tun thleng chuan Amul chuan an product te chu Tamil Nadu ah outlet hmang bakin an la hralh lo tiin a sawi bawk.
State dang ang bawkin Tamil Nadu ah pawh dairy cooperative chak tak, three-tier dairy cooperative system chu kum 1981 atang tawh khan thingtlanga milk producer leh consumer te hlawk nan kalpui a ni tawh a ni, tiin Stalin chuan a sawi bawk.
“Aavin hi kan apex cooperative marketing federation a ni a. Aavin co-operative hnuaiah Milk producers Co-operative Societies 9,673 lai thingtlang hmunah a awm a. Pouring member 4.5 lakh atangin bawnghnute 35 LLPD an lakhawm a ni. Tuna kalpui dan ang chuan milk producer te hian man inang tlang la in cooperative societies ten engkim hlawkna insem dan tur pawh an kalpui vek a ni” tiin a sawi bawk.
Stalin-an Shah hnenah ngenna siam
![](https://theaizawlpost.org/wp-content/uploads/tap_logo-min-large.jpg)