Union minister of state for Agriculture and Farmers Welfare Bhagirath Choudhary chuan ni thum cham turin Nilaini khan Mizoram a rawn thleng a. Hemi zan hian a thlenna State Guest House-ah BJP Mizoram president Vanlalhmuak chuan Mizorama loneitte harsatna leh puih an ngaihna a thlen.
Mizoramin hma a sawn theih nan chuan mihring za zela 75 loneitute chu eizawnna ngelnghet siamsak hmasak an ngai tih Vanlalhmuaka hian hrilhin, Mizorama loneituten harsatna an tawh hrang hrang, a bikin thlai thar hralhna leh sawngbawlna kawnga harsatna an tawh, transportation-a harsatna, thlai chingtuten an thlai chinna tih changtlunna atana soft loan/ KCC loan an mamawh dan, loneitute tana central scheme, Mizorama FPO kalpuinaa hlawhchham dan, khuarel chhiatna in loneitute hmunhma a tihchhiatah chhawmdawl an ngaih thute a sawipui a. Kuthnathawktute tan state sawrkarin sum hman tur a neih loh dan pawh a thlen tih a sawi a ni.
Union minister chuan a thu thlen chu chhinchhiah in, a taka chantir ngei a nih theih nan hma lak a ni dawn tih a hrilh a. PM Modi kaihhruai sawrkarin Mizoram sawrkar a ngaipawimawh, tiin, Mizorama loneituten harsatna an tawh mek leh an harsatna ata tanpui an nih theih dan tur ziaka Mizoram a chhuahsan hma ngeia pe turin a hrilh.
State BJP hruaitu in loneitute harsatna Union minister hrilh
