State capital sawn tumtu
AMC-a rorel tlak an ni lo
– MNF Thalai president
Aizawl khawpui state capital a nihna sawn tumtu ZPM chu AMC-ah rorelna pek tlak an ni lo tih MNF Thalai president Robert Romawia Royte chuan a sawi.
Inrinni zinga street campaign an neihnaah MNF Thalai president hian, chief minister Pu Lalduhoma’n state capital Aizawl khawpui chu Thenzawla suan a duh thu thlenin chumi atan chuan sum a dil nghal tih a sawi a. NGO leh kohhran thlenga rawnna tur chi state capital Aizawl atanga Thenzawla suan tura hmalakna chu Aizawl mipui tan a huatthlala awm hle tih a sawi a ni.
ZPM president Pu Lalliansawta’n state rorelna sangber Assembly House chu zokhaw lama suan an tum thu a sawi bakah ZPM MLA Pu Lalmuanpuia Punte pawhin Assembly Session-ah Aizawl khawpuiah thil thar dah belh tawh loh a duh thu a sawi tih sawi chhawngin, “Hetianga Aizawl khawpui (capital) nihna suan duh leh dah hniam tumtu ZPM party hi AMC a rorel tlak an ni lo,” a ti.
ZPM sawrkar chu Mizorama sawrkar awm tawh zawng zawnga corrupt ber tia koh ngam, duhsak zawngte vulhnana dan dinglai tam tak pawngsual duhtu sawrkar a ni, tiin MNF MLA Robert Romawia hian a sawi a. Sawrkar laipui atanga sum rawn petute beng a thleng tan mek nia sawiin, SASCI sum leh AMC leh LMC sum tih lapse teuh teuh mai kha a pawi a, sum lengvel tlem chhan zinga pakhat pawh hi an sum hmuh chhun a lapse teuh teuh vang a ni tih a sawi bawk.
State capital sawn tumtu AMC-a rorel tlak an ni lo – MNF Thalai president
