State Cooperative Union inkhawmpui
Mizoram State Cooperative Union Annual General Assembly vawi 35-na chu Ningani khan Aizawlah neih a ni.
Assembly hmanpuitu Cooperation minister PC Vanlalruata chuan Mizoram hmasawnna, a bikin hmasawnna tluantling atan cooperative movement a pawimawh hle tih a sawi a. Mizoram State Cooperative Development Council pawh a rang lama din tum a ni, tiin, helama tawnhriat ngah mithiamte thawhpuiin hmalakna mumal taka chhawpchhuah tum a ni tih a sawi.
Mizoram State Cooperative Union (MSCU) Ltd. hi 1975 March 29-a din a ni a, tunah hian thawktu nghet 20, provisional employee pakhat leh contract basis-a thawk mi 5 an nei. MSCU-ah hian cooperative society 1400 chuang an awm a, member 54000 chuang an awm. Anmahni pualin Bara Bazar Dawrpui Aizawlah office -cum- training centre an nei a; Chawlhhmun Aizawl-ah Junior Cooperative Training Centre (JCTC) building an nei bawk.
Rorel inkhawmah 2023- 2024 Annual Report thlirho a nih hnu ah pawm a ni a. 2023- 2024 Annual Audited Financial Statement sawi ho niin an pawm bawk. Mizoram Cooperative Societies Rules 2012 leh Mizoram State Cooperative Union Bye-Law ennawn ngaite sawiho niin siamthat ngai an siamtha a ni.
State Cooperative Union inkhawmpui
