State pawn boxer-te an nihlawh dawn
Mizoram pawn atanga Zudio LPS Pro Fight-a telte tan hamthatna inang tlang siamsak a ni dawn tih Organising Committee chuan a puang a, sumo fare angin Aizawl a tanga an rawn kalna leh hawna man a tumsak dawn a ni.
Championship-a an tel chhungin an thleng sang emaw an tla hma emaw an mamawh phuhrukna’n Rs. 5000 theuh pek an ni bawk ang.
Hun tawp October ni 19 thlenga entry form thehlut 320 chuang zingah Mizoram pawh atangin Pro Fight ngaihluin boxer 13 – Lamka, (Manipur) atangin pasarih, Meghalaya atangin pali, Assam leh Myanmar atangin pakhat ve ve an awm a ni.
An inbuk fel hnua inhnek thei tur ziahluhte hnenah hamthatna pek a ni dawn a, Mizorama awm sa raltlante erawh a huam lo ang.
Pro Fight vawi 11-naah hian Title Fight bik chauh khawvel puma professional boxing chhinchhiahna boxrec-ah ziahluh tur a ni a; title fight thlen hmain weight hrang hranga champion laite leh title chuh tura tlingte an inbuk tha leh dawn a ni.
Champion lai tel loin October ni 28, kar leh Thawhtanni zing dar 8 atanga chhun dar 12 chhungin LPS Arena, Falkland-ah tel tumte an inbuk dawn a, an hriselna endik hmasak a ni ang.
Hemi ni chawhnu dar 2-ah referee leh judge turte’n clinic an nei zui nghal dawn a ni.
November ni 1, karleh Zirtawpni zanah LPS Arena-ah Pro Fight hi tanin, a hawnnaah hian Youth Icon Lalsangliana a zai dawn a, man chawi loin a hmunah a duh apiang tan en theih a ni ang.
State pawn boxer-te an nihlawh dawn
