State University hmun tur tlawh
Mizoram State University dinna tura ruahman Govt Aizawl West College campus, Luangmual ami chu Nilaini khan Higher & Technical Education minister Dr Vanlalthlana’n a tlawh.
H&TE minister chuan mahni state puala university neih chu hnam rohlu a nih dawn avangin duat leh thahnem ngai taka enkawl a ngai, tiin, Govt. Aizawl West College thuneitute chu a hmun nghak an nih anga thahnemngaia theihtawp chhuah turin a chah.
Mizoram State Assembly-in Mizoram University Bill 2025 a pass hnuah sawrkar chuan bawhzui zelin, tunah hian a hmun tur laiha sak mek a ni. College hrang hrang hman tangkai phawt hnuah, hengte hi school hrang hranga siam chhoha university tura ruahman tum a ni.
State Universiy dinna tur hian SASCI atangin cheng vaibelchhe 30.4 hmanga bul tan a ni a, sum mamawh dang hi sawrkar laipuiah H&TE minister hian a thlen tawh a ni.
State University hmun tur tlawh
