Coronary Artery Disease lanchhuah dan:
Lung natna hi hriattir lawkna tel loin a lo thleng ngai mang lo. Mahse, chung hriattirna tam tak chu a langchhuak chiang lo a, ngaihthah awlsam tak, kan nitin chetvelna avanga kan chauhpui satliah nia ngaih hai theih a ni. Coronary artery disease (CAD), lung natna chi lar ber, hi heart attack emaw lung lam harsatna lian tham a thlen hma chuan kum tam tak chhung thawm nei mang loin a insiam Thin. Harvard Health Publishing-a mithiam te sawi danin, CAD hi coronary artery chhungah thau hlawm, plaque an tih, a insiam khawm tTan atTanga inTan a ni tlangpui a. Heng artery te hian lungah thisen oxygen pai tam tak an pe Thin. Hun a kal zel chuan, plaque hian artery a ti zim a, thisen kal a titlem a, lung a thawkrim lehzual Thin. A chang chuan, plaque hi a puak thut a, thisen kal a dang chat vek thei. A hlauhawm lai chu, natna hi a ruk a rala a lo Than laiin mi tam takin “ka Tha” an inti tlat hi a ni. Chuvangin doctor ten symptom lian tham lan hun nghah aiin hma taka inenfiah an ngaihpawimawh zual ta a ni.
Taksa hian chhinchhiahna/lanchhuah dan a nei Thin a, coronary artery disease hi âwm na lutuk aTang hian a inTan kher lo. Mi tam takin nitin kan thil Thin pangngai kan tih laia thil danglam lian tham pawh ni lo kan hre hmasa Thin. Step-a a chhoh laia thawk harsat thut, eng emaw thil hote tih pawh a lu hai, exercise lak laia khabe, dar, ban bul, emaw âwmah emaw nuam lo deuh te an hre Thin. Thlan fimin mi a bual leh ringawt Thin bawk hi ngaihthah tur a ni lo.
Heng symptom te hi rilru hah, kum lo tam deuh tak vang, mut tlem vang, emaw taksa chak loh vangah emaw ngaiin, kan ngaihthah fo. Mahse lung lam doctor te chuan taksa chet laia chhinchhiahna lo lang nawn Thin chu ngaihven a ngai an ti a, a bik takin zunthlum nei, thisen sang nei, thau lutuk, meizial zu Thin, emaw cholesterol sang nei tan phei chuan ngaihthah miah loh tur a ni. Hmeichhia phei chuan symptom an nei tlem zawk a, âwm na lutuk ai chuan chau ngawih ngawih, luak chhuak, nghawng na, emaw thawk harsa an nei zawk thei.
Step-a chhoh laiin thawk i harsat \hin em? Coronary artery disease hriat hma theihna chhinchhiahna mi tam takin an hmaih Thin a ni thei
