Stuttgart-ah Raducanu tlo lo
Germany ram Stutt-gart khawpuia Porsche Tennis Grand Prix-ah Thawhlehni khan British number one Emma Ra-ducanu chuan last 16 a lut zo lo a, French Open champion hlui Jelena Ostapenko chuan mi-nute 59 lek chhungin Briton hi 6-2 6-1-in a sawp a, Tunisian third seed Ons Jabeur nen last eight luh an inchuh zui leh ang.
Raducanu hi Miami Open first round-ah pawh khan a tlo lo hle a, first round-ah Bianca Andreescu chuan vaw chhuakin, tun hi khami hnu season kal laia clay-court match a khelh leh vawikhatna chiah a ni.
British innghahna lian Raducanu hian nikum khan Stuttgart tour-nament-ah hian quarter-final a thleng a, kum-inah erawh round of 16 lut zo loin a tla fel a, ranking thar tarchhuah leh turah tuna 68-na a luah mek atang hian a tlahniam leh dawn a ni.
Karliamta khan Raducanu hian Great Britain tan Billie Jean King Cup-ah a inlan lo a, an ram chu a tel loin France lakah an tlawm a, ram tana a khelh loh chhan hi clay-court season atana inbuatsaih a duh vang niin, Germany ram a pan ta zawk a ni.
Stuttgart-ah chuan opening draw khawng zet hmachhawn nghalin, 2021 US Open cham-pion hian game khatna la nghal mai mah se a tumpui Ostapenko hlap na lutuk a diar lo a, set khatna a hlohna kawngah game nga a hloh zui.
Set hnihnaah pawh kum 2017 French open champion Ostapenko a chungnung chhunzawm leh thei a ni.
Germany ram inkhel dangah Spanish world number 31 Paula Badosa chuan seventh seed Daria Kasatkina lakah 6-1 6-1 hnehna nuamsa a sual-chhuak ve bawk.
Barcelona Open lamah Novak Djokovic laka top ranking hloh hlimhlawt men’s world number two Carlos Alca-raz chuan mittlung takin a clay-court campaign bul a tan a, 6-3 6-1-in Portugal player Nuno Borges a sawp.
Tunhnai lawka Miami Open semi-final paltlang zo lo Alcaraz chak lai hian American fifth seed Frances Tiafoe erawh 4-6 7-6 (7-3) 4-6-in world number 40 Emil Ruusu-vuori of Finland chuan a hnawtchhuak thung.
Thawhlehni inkhel dangah nikum French Open finalist Norwegian third seed Casper Ruud chuan 6-2 7-6 (7-1)-in American Ben Shelton a hneh ve bawk.
Stuttgart-ah Raducanu tlo lo
