Sudan tualchhung buainaah hmeichhiate an him lo : UN
United Nations chuan Sudan ramchhunga buaina chhuakah an hmeichhiate an him lo tak zet tih sawiin, nawmsak bawlna atana hman an ni nasa hle a ti.
UN hian thawlehni khan Sudan chungchang a zirchianna hi tichhuakin, hmeichhia leh naupangte an him lo hle niin a sawi a, tihluihna hmanga mipat hmeichhiatna hman khawloh a hluar thu sawiin, hetiang titura inrukbona a hluar thu an sawi bawk.
UN hnuaia Sudan buaina avanga an tawrhna zirchiangtute chuan hmeichhe naupangte pawh an him lo hle tih sawiin, nawmsip bawlna atana hman nasat an nih bakah, inrukbo a hluar avangin chhungkaw awmkhawm lo an tam thu an sawi a, zirchiangtute zinga an hotupa Mohamed Chande Othman phei chuan Sudan ram chhungah hmun him a awm lo thu a sawichhuak hial.
Sudan ah hian nikum April thla atang khan tualchhung buaina hi a chhuak tan a, UN hian theihtawpin tanpuina hna thawk nghal mahse an mipuite chuan harsatna rapthlak tak an tawh reng thu sawiin, thil pawi tak a ni an ti a, mangchhia rapthlak tak an tawrh mek thu an sawi.
Sudan tualchhung buaina avang hian mi maktaduai 11 chuangin chenna in leh lo an nei tawh loh thu sawi a ni bawk.
Sudan tualchhung buainaah hmeichhiate an him lo : UN
