Sumdawnna lama hnamdangin Mizote min chimral lohna atan Aizawl Municipal huamchhungah document neih ngai atana tul leh tha an tih te Mizoram Merchant Association chuan AMC hotute an sawipui.
MIMA Gen. Hqrs. hruaitute hian Ningani khan Aizawl mayor Lalrinenga Sailo leh AMC executive corporator B Lalawmpuii hmuin, sumdawnna kawnga Mizo hnam kan him a, chimrala kan awm loh nan rawtna ziakin an thlen.
Hei hi AMC dintirh atanga MIMA dinna a la ni reng tih hrilhin, tun tum AMC-a shops registration an tihah hnamdang (Vai) kan tih ang chi ah AMC a thawktha thawkhat hle chu an lawm rualin, AMC Licensing Regulations chu Mizo tan a him tawk loa an hriat avangin, voters ID/Epic no. of Mizoram, Permanent Residential Certificate of Mizoram, NOC building /ram neitu hnen atangin, 2 years validity ILP chu licensing regulations-ah hnamdangin sumdawnna tur registration an dilah document phut tel nise tih an thlen a ni.
An thil thlen leh rawtna chu mayor leh executive corporator-te hian ngaipawimawhin, la sawiho turin AMC lamin a chhawpchhuah dan an lo ruahman dawn tih an lo hrilh a ni.
Sumdawnnaa Mizo himna atan MIMA-in rawtna thlen
