Nilaini zing khan NBA regular season 2022-23 khelh chhunzawm a ni a. Phonex Suns chuan an khingpui Charlotte Hornets an hneh. Hornets an hneh tum hian NBA player lar Kevin Durant chu a team thar Suns tan a vawi khat nan a inlan. Nilaini zinga inkhel dangah vawi sarih an chak zawnna ni turin New York Knicks chuan an khingpui Brooklyn Nets an hneh ve bawk.
Golden State Warriors-ah ropui taka khel a, NBA-ah vawi hnih champion hman Kevin Durant hian Warriors a chhuahsan hnuin Brooklyn Nets a zawm a. Chawlhkar thum liam ta khan Brooklyn Nets chhuahsanin Phonenix Suns a zawm ve leh. Hliam vangin a club thar tan hian a inlan mai thei lova, Nilaini zing khan a vawi khat nan a inlan. A club thar tan a inlan tum hian Durant hi a zam viau a, point 23 thawkchhuakin, a che chhe lem lo thung. Inkhel hmuhnawm takah hian Durant club thar Suns hian an khingpui Charlotte Hornets hi point 105-91 in an hneh.
Nilaini zinga inkhel dangah vawi ruk chak zawn tawh New York Knicks chuan point 142-118 in Brooklyn an hneh a, vawi sarih an chak zawn ta chiah.
Suns tan Durant a inlan
![](https://theaizawlpost.org/wp-content/uploads/tap_logo-min-large.jpg)