Super Bowl a ni miau a, kum dangah chuan Super Bowl weekend-ah chuan cinema hall a thawl a, sum chevel pawh a tam hleithei thin lo, mahse, tun tum chu COVID-19 hripui len lai tih lohah chuan Super Bowl weekend a cinema hall sum che vel tlem ber tum a ni tlat mai. North America-a cinema hall ticket hralhna zawng zawng belhkhawm pawh dollar maktaduai 40 a tling awrh a ni. Hetiang karah hian Matthew Vaughn channa ‘Argylle’-in tun weekend kalta khan cinema hall ticket hralhna atangin dollar maktaduai 6.5 lalut theiin, North American box office No.1 a ni a, kar hnih chhunga US-a a lakluh chu dollar maktduai 28.1 a ni.
Horror-comedy Lisa Frankenstein-in dollar maktduai 3.8 lalutin No.2 a ni. He film hi hmeichhe pakhatin ruang zawm khawma a lo nun leh tak dan vel tarlanna a ni.
‘The Beekeeper’-in dollar maktaduai 3.5 lalut lehin No.3 a la ni a, he film pawh hian kar thum chungin US-ah dollar maktaduai 54.7 a lalut tling ta a, The Chosen: Season 4 Episode 1-3 pawhin dollar maktaduai 3.2 lalut lehin No.4 a la ni a, ‘Wonka’-in dollar maktaduai 3.1 lalut lehin No.5 a la ni bawk. Wonka hi nikum Krismas laia tlangzarh tawh kha niin, US-ah dollar maktaduai 205 a lalut tling tawh.
Box office top 10:
1. Argylle – $6.5M
2. Lisa Frankenstein – $3.8M
3. The Beekeeper – $3.5M
4. The Chosen: Season 4 Episode 1-3 – $3.2M
5. Wonka – $3.1M
6. Migration – $3M
7. Anyone But You – $2.7M
8. Mean Girls – $1.9M
9. American Fiction – $1.3M
10. Poor Things – $1.1M