Mizo Zirlai Pawl hruaitute chuan MZP hruaitute chuan Thawtanni khan Supply minister B. Lalchhanzova hmu in Phuldungseia ration card buaina chungchang an sawipui.
Ration card upgrade avanga Phuldungsei mipui buaina chungchangah Supply minister hi MZP Gen. Hqrs, hruaitute hian an lo hmu tawh a. Mizoram atanga ration buhfai an dawn ngei theih nan chak taka hma la a, a theih dan kawng dap turin a ngen nawn tih a sawi. Minister chuan hma an lak thu leh, chinfel thuai a nih tur thu a lo hrilh a ni.
MZP hruaitute hian Mizoram University registrar Prof. Lalnundanga chu a office-ah a hmu a. MZU hnuaia hnalak mek chungchang an sawipui.
MZU hnuaia professor, associate professor, assistant professor, registrar leh assistant librarian, a vaiin post 64 lakah ram leilungfate duhsak hmasa turin an ngen a. Pawnlam atanga hna dil zingah document lem a awm leh awm loh uluk taka endik turin an ngen. MZU hnalak chu uluk takin an enzui dawn tih an sawi a. Hemi chungchangah hian MZU vice chancellor pawh hmuh an tum tih an sawi.
Supply minister leh MZU registrar hmu
