Supreme Court chuan court complex te venghimtu turin ‘permanent security units’ neih ni se tiin rawtna a siam a, hei hi tun hnaia court chhunga silai hmehpuah thleng fo vang a ni.
“Tun hnaiah National Capital ah pawh silai hmehpuah tum thum vel lai a thleng a. Court pawimawhna leh justice lanchhuahtirna leh rule of law kenkawhna dinchantir zel chu tihmakmawh a ni a. Judicial institution te chuan stakeholder te him nana hma a lak chu tihmakmawh a ni a. Thil duhawm lo court premises a thleng thin te chuan judge te mai bakah lawyer te, court staff, litigants leh mipui nawlpuite himna atana hlauhawm a ni,” tiin Justice S. Ravindra Bhat leh Dipankar Datta te bench chuan an sawi a.
Court chuan State High Courts te pawh Principal Home Secretaires, Directors General of Police of the States leh Police Commissioners te nena ‘security plans’ siam turin a ti bawk a. “Security plan-ah hian complex tina permanent court security din pawh a tel tur a ni,” tiin apex court chuan a sawi bawk.
Supreme Court-in a hranpaa security duh
