Supreme Court chuan Tamil Nadu Governor R.N. Ravi an Legislature in bill pawimawh 12 a pawmfel tawh te pawm mai lo leh tikhawtlaia ‘constitutional deadlock’ a siam chuan State-ah inrelbawlna nasa taka tikhaihlakin ‘a pawi takzet’ tiin a sawi.
Three-judge Bench Chief Justice of India D.Y. Chandrachud kaihhruai chuan Tamil Nadu sorkar petition a Governor chetlak dan chu State mipuite rights bawhchiatna leh State welfare legislation te tihbahlah tumna a ti a, Home Ministry chu Union of India kaltlanga formal notice siam turin a ti zui bawk a.
Court chuan Attorney General of India chu November 20-a a ngaihtuah leh hunah inlan ngei tura tiin a inlan theih loh chuan Solicitor General a inlan tur a ni a ti bawk a. Tamil Nadu aiawh hian senior advocates A.M. Singhvi leh P. Wilson te dingin Governor chuan corruption case a public servant thubuai siamsak te hremna tur te, lung in tang chhuah hma tura ngenna siam te leh Tamil Nadu Public Service Commission (TNPSC) a appointment siam tur te pawh a thut bet tlat, an ti bawk a.
Wilson chuan heng thilah te hian Governor chuan sawi engmah a nei duh lo va, heng thil te hi public health, higher education, etc kaihhnawih te vek a ni, a ti.
Court chuan thupek a siamah Article 200 of the Constitution chuan governor chu State Legislature-in bill a pawm tawh te chu remtihna a rang thei ang berin a pe tur a ni a ti, tiin a sawi a.
Chief Justice Chandrachud chuan tawngkain he thilah hian Governor chuan remtihna a pe emaw a pe duh lo emaw thei a, bill te chu Money Bills a nih loh chuan House ah Bill chu pe letin siam tha emaw turin a thawn let thei a, emaw president hnenah a thawn thei bawk a ti a. Court chuan Governor chuan tiamchin awm lovin a thut bet ngawt thei lo, a ti bawk.
“Heng bill te hi January 2020 atanga pending tawh a ni a. Ngaihtuah turin kan ngen mawlh mawlh tawh a. Prosecution pe tura sanction grant tur pawhin kan ngen tawh a. Remission ti tur pawhin kan ngen tawh a. Engmah a ti duh lo,” tiin Singhvi chuan a sawi.
Wilson chuan TNPSC ah post 14 ah post 10 a ruak a, ruak zingah hian Chairperson post pawh a tel a ni, a ti bawk a.
Governor hnenah hian April 2022 atanga May 2023 chhungin prosecution sanction file pali forward in a awm a ti bawk.
State sorkar chuan Governor hian mipui thlan State sorkar te political rival angin a inchhuah a ni a ti bawk a. Governor chetdan avang hian constitutional head of Staet leh State a elected government inkarah harsatna siamin a awm a ni. Governor hian khua leh tui te mandate engahmah a ngai lo a ni, tiin petition chuan a tarlang bawk.
“Governor-in remission orders, day-today files, appointment orders, recruitmnet order, Ministers, MLA eirukna a inhnamhnawihte hrem theihna remtihna a pek duh loh te, Tamil Nadu legislative Assembly Bill passed tawh te a pawm duh loh vang hian State administration nena thawhho duh lovin harsatna namen lo a siam a ni,” tiin Tamil Nadu petition chuan a tarlang a.
State chuan Supreme Court chu Governor of Tamil Nadu chetlak dan chu constitution in titura a tuk tihhlawhtlin duh lohna a nih avangin dan kalha che tia thutlukna siam turin a ngen bawk a.
Governor berin State Legislature tena bill a pawm tura an thawn te a pawm duh miah lo leh engmah a chahna sawi bawk si lo hi constitution kalh a ni, an ti bawk.
Governor-in remtihna a pek hi mimal emaw thu ni lovin Council of Ministers te thurawn liau liau tur a ni bawk, tiin State thuchhuah chuan a sawi a.
Tamil Nadu State chuan Supreme Court chu Governor Ravi an sorkar-in bill leh order a siam te a office-a tâng mek te chu remtihna pek hun tur hun siamsak turin a ngen bawk.
Supreme Court-in Governor chetlak dan ngaimawh
