Supreme Court chuan July 19 khan Gujarat High Court-in activist Teesta Setalvad chu kum 2002 Gujarat riot case kaihhnawiha forgery/fabrication case-ah inpe tura a tihna chu a hnawlsak.
Justice B.R. Gavai Bench chuan Setalvad chuan September 2, 2022 a Supreme Court thutlukna siam angin bail-in a la kal zel ang, a ti a.
Three-judge Bench chuan Setalvad chu nikum September thlaa Supreme Court-in interim bail a pek hnuah police ten tum khat pawh thuzawhfiahna an la nei lo a ti a.
“A passport pawh session court hnenah dah a ni ang a. Setalvad hian witness te hneh leh hmin tum emaw a kalpui tur a ni lo va an hnaihah a awm tur a ni hek lo,” tiin bench chuan a tarlang bawk a. Witness te hneh tumna emaw a awm a nih chuan Gujarat Police te chu Apex Court a zualko thei turin a siam bawk.
Supreme Court chuan Gujarat High Court single judge bench in July 1-a order a siam chu inkawlkalh tlat tiin a sawisel na hle bawk.
Activist Teesta Setalvad hi nikum June 25 khan Gujarat Director General of Police hlui R.B. Sreekumar leh ex-IPS officer Sanjiv Bhatt te nen Ahmedabad crime branch a case ziah luh kaihhnawihah finfiahna tihhmelhem tum tiin custody-ah dah a ni a. Setalvad hi kum 2022 riot case-ah forgery, fabrication of evidence te leh thil hrang hrangah thubuai siamsak a ni.
Supreme Court-in Gujarat High Court hnawl
