Supreme Court chuan apex court judge hlui Justice Abhay Manohar Sapre kaihhruai five-member expert committee Hindenburg Research report in Adani Group te chu price manipulation leh account fraud kalpui anga a puhna chhui chiang tur leh dan bawhchhiat a nei em tih te enfiah turin a din.
Committee zingah hian State Bank of India chairman hlui O.P. Bhatt, retired Bombay High Court judge Justice J.P. Devadhar, chief of the New Development Bank of BRIC countries hlui K.V. Kamath, co-founder of Infosys Nandan Nilekani leh securities expert leh lawyer Somasekhar Sundaresan te pawh an tel a ni.
Supreme Court Collegium in Bombay High Court judge atana Sundaresan a rawtna chu thla a thla sorkar in a la tihchiansak duh loh mek a ni bawk a. Sorkar chuan a hmain Sundaresan rawt a nih chu sawiselin ‘ngaihdan hran nei’ tiin a sawi a, mahse, Collegium chuan Sundaresan chuan right to free speech a nei tia sawi nawnin rawtna chu an kalpui nawn leh ngat a ni.
“Tun hnaia thil thleng mumal lo tak te laka Indian investor te humhim an nih theih nan regulatory framework awm leh hman lai mek te enfiah turin expert committee dinin rawtna siam se kan ti a ni,” tiin three-judge Bench, Chief Justice of India D.Y. Chandrachud kaihhruai chuan a sawi a.
Committee member te hian thil awm dan leh nihna tak enfiah vekin tun hnaia security market a thil fel lo thlen dan te an chhui chiang ang a, Indian invesor te tichak tur leh a khawi laiah nge regulatory fellohna awm te, statutory leh regulatory framework tihchakna lai tur leh investor te tana framework awmsa te tihchakna tur te an enfiah ang tih a ni a. Expert committee te hian Supreme Court hnenah thla hnih chungin an thil hmuh dan te chu ziaka char bet tlatin an thehlut tur a ni dawn a ni.
Court chuan market regulator Securities and Exchange Board of India (SEBI), finanncial regulations kaihhnawih hrang hrang agency te, fiscal agency, law enforcement agency te chuan expert committee te hi an thawhpui tha em em tur a ni, a ti bawk.
SEBI chuan committee hnenah ‘thil pawimawh leh information mamawh tin’ a pe vek tur a ni a ti bawk a. Committee-in sum leh pai mamawh a hman zawng zawngte chu Union government-in a tum vek ang tiin court chuan a sawi bawk.
Court chuan thupek a siamah SEBI chuan Adani Group chungchanga Hindenburg report-in a puhna hrang hrang te chu a chhui mek thu tarlang tel bawkin chung zingah chuan Hindenburg report tihchhuah hma leh hnua market activity te pawh a huam tel vek a ti bawk a.
Court chuan SEBI chhui chianna hian market regulator’s regulations hrang hrang SEBI (Prohibition of Fraudulent and Unfair Trade Practices relating to Securities Market) Regulations, 2003; SEBI (Prohibition of Insider Trading) Regulations, 2015; SEBI (Foreign Portfolio Investors) Regulations, 2019, Offshore Derivative Instruments (ODI) norms te chu bawhchhiatna a awm em tih a chhui chian mek zingah a tel a ti bawk.
Mahse, court chuan SEBI chhuichiannaah chuan thil thenkhatte chu la tarlan rem lo a nih thu a sawi a. Entirna a sawiah Cout chuan SEBI Chuan Adani Group ten Securities Contract (Regulation) Rules of 1957 an bawhchhia em tia chhuichianna an neih ang te chu la zawhfel theih loh a ti bawk.
Rule 19A of the 1957 Rules chuan company te chuan minimum public shareholding hun tiam neiin an dah ngei ngei tur a ti a. Listed company te, public sector unit ni lo te chuan public shareholding 25% tal an dah ngei ngei tur a ti a ni. “Hetiang deuh hian SEBI puhna hrang hrangte chu chhui chian tur a ni,” tiin court chuan a sawi bawk.
Court chuan SEBI chu thil pathum thlurbing turin ti a, chung zingah chuan Rule 19A of the 1957 Rules bawhchhiatna a awm em tih te, dan kalha transaction pholan loh a awm em tih te, dan kalha stock price manipulation a awm em tih te a tel a ni.
Supreme Court Bench chuan SEBI chuan apex court-in a ruat expert committee te chu investigation an neih mek leh an tih chin te kimchang taka hrilh turin a ti bawk a. Mahse, court chuan chhui chianna an kalpuiah committee chuan SEBI chu a mawhphurhna leh thuneihna te chhuichian a nih laia kalpui thei lova a siam kher a ngai lo an ti bawk.
Supreme Court-in Hindenburg report enfiah tur committee din
![](https://theaizawlpost.org/wp-content/uploads/tap_logo-min-large.jpg)