Supreme Court chuan Manipur leh hnam leh hnam anga buaina nasa tak thleng mekah mipat hmeichhiatna kaihhnawiha pawi khawihna chu ram chhung hmun danga thleng nen khaikhin theih chi a ni lo tia ngaih theih a ni lo tiin a sawi.
“Manipur-a thil thleng mekah India ram hmun danga hmeichhiate laka thil thleng nen inang khata hrut ruala ngaihhnathiam theih a ni lo,” tiin Chief Justice of India D.Y. Chandrachud, three-judge Bench kaihruaitu chuan a sawi a.
Bench chuan application luta West Bengal, Chhattisgarh, Rajasthan leh Kerala state ah te non-BJP rorelna state a hmeichhiate chunga hleilenna thleng a ngaihtuah a.
Advocate Bansuri Swaraj chuan Supreme Court in Manipur hmeichhia tena justice an hmuh theih nana hmalakna a neih te chu Central Bureau of Investigation a ni emaw Supreme Court monitor a chhuina a ni emaw heng State te tan pawh hian kalpui tho ni se a ti a ni.
‘India fanu te’
“An vai hian India fanute vek an ni,” tiin Swaraj chuan a sawi a.
“A danglamna awm chhun chu…rinhlelh rual lohin, ram pumah hmeichhiate laka hleilenna a thleng mai a ni. Chu chu kan vantlang nuna thil thleng mek a ni a. Manipur-ah erawh thil la thleng ngai lo awmin, chungte chu communal leh sectarian buainain a hrin a ni,” tiin a sawi a.
Chief Justice chuan tute mahin West Bengal-ah pawh hmeichhiate laka hleilenna a awm ngei tih an pha hauh lo tiin a sawi a.
Swaraj chuan West Bengal-a hmeichhiate laka hleilenna chu Manipur-a thil thleng nen ‘a intluktlang reng’ tiin a sawi a. West Bengal a panchayat election candidate hmeichhia chu mob ten diriamin ruakin an parade-tir a ni, a ti a.
Swaraj chuan Manipur-a hmeichhia pahnih saruaka parade tir chu ‘rapthlak’ tia sawiin ‘hei hian civil society te a kaiharh’ niin a lang a ti bawk a.
Mahse rilru khawih na em em khawp thudik te a inlailang zel tiin a sawi zui a. “Manipur-a thil thleng ang hi Rajasthan, West Bengal, Chhattisgarh leh Kerala-ah te pawh a thleng mek a. India fanute hi humhim ngai an ni a, humhimna kalpuina chu Manipur-ah chauh ni suh se,” tiin a sawi a.
Hetah hian Chief Justice chuan chhang letin, “India fanu tin te tan hma la rawh u i ti nge hmalakna nei bik lo turin min ti,” tiin a sawi a.
“India fanu tinte tan” tiin Swaraj chuan a sawifiah a ni.