Taylor Swift-i’n Toy Story 5 film tana a hlaphuah leh a sak nghal “I Knew It, I Knew You” chu Billboard Hot 100 (US Singles) chart No.1-ah a debut a, he chart-a a hla No.1 kai thei 15-na a ni a, Drake leh Rihanna te kalsanin he chart-a No.1 kai thei hla ngahah pathumna a ni ta a, The Beatles (20) leh Mariah Carey (19) te chiah a pha lo.
Taylor Swift he chart-a No.1 ni thei 15 zinga hla pakua chu No.1 a debut an ni a (chart No.1-a debut tih chuan chart ranking-a a lan theihna hmasa bera No.1 ni nghal tihna a ni), Ariana Grande lehpelin, hmeichhe zaithiam zinga he chart No.1 a debut thei hla ngah ber a ni ta a, mipa lamah pawh Drake (10) a pha lo. Hei bakah hian Hot 100 chart top 10-ah hla 70 a nei tling ta chiah bawk a, hmeichhe zaithiam zinga he chart a top 10 kai thei hla ngah ber a nihna a sawh nghet leh ta sauh a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Taylor Swift “I Knew It, I Knew You” hian kar khat chhungin US-ah stream maktaduai 27.2, radio airplay ngaithlatu maktaduai 46.7 leh sales 87,000 a nei thei a, hei hi chart No.1-ah a debut pui ta a ni.
Taylor Swift hian 2020 hnulamah Hot 100 chart-a No.1 kai thei hla 10 a nei tling ta a, 2020 hnu lama he chart-a No.1 kai thei hla ngah ber a ni a, Drake leh Arana Grande ten No.1 kai thei hla pariat ve ve neiin an dawt. Hei bakah hian Swift hi kum 10 chhunga No.1 kai thei hla 10 chin nei thei palina a ni a, hetiang tithei midang pathum te chu- Mariah Carey (1990s-ah No.1 kai thei 14 a nei), The Beatles (1960s-ah No.1 kai thei 18 an nei) leh The Supremes (1960s-ah No.1 kai thei hla 12 an nei) te an ni.
“I Knew It, I Knew You” hla hi Taylor Swift leh Jack Antonoff te an phuah dun leh an produce dun a ni a, Swift hian a hla No.1 kai thei 15 te hi a phuahtu zingah a tel vek a, chung zinga pakua chu a producer zingah a tel bawk.
Swift hi June ni 11 khan Songwriters Hall of Fame-ah lak luh niin, he hall of fame-a lak luh ni thei naupang ber a ni a, hlaphuah lamah a duai lo hle a, Hot 100-a No.1 kai thei hlaphuah tam lamah pawh pasarihna a ni pha der tawh.
Jack Antonoff tan chuan No.1 kai thei hlaphuah leh hla produce 11 a neihna niin, No.1 kai thei hlaphuah ngah leh hla produce ngah lamah parukna ve ve a ni. Antonoff hi Swift hian No.1 kai thei hla dang “Look What You Made Me Do” leh “Fortnight”-ah te pawh an lo thawk dun tawh bawk a ni.
Tunkar chart top 10-ah hian Ella Langley-i’n hla pathum a nei a, a hla chart No.1 pawh lo ni tawh “Choosin’ Texas” chu No.2-ah bawk a la awm a, “Be Her” chu No 2 atangin No.4-ah a tawlh a, Morgan Wallen nena an zaidunna “I Can’t Love You Anymore” chu No.7 atangin No.9-ah a tawlh ta bawk.
Chart No.1 hlui Drake “Janice STFU” chu No.3-ah bawk a la awm a, Ariana Grande “Hate That I Made You Love Me” chu No.1 atangin No.5-ah a tawlh a, chart No.1 hlui Bruno Mars “I Just Might” chu No.5 atangin No.6-ah a tawlh, Olivia Dean “Man I Need” chu No.6 atangin No.7-ah a tawlh a, Olivia hla dang “So Easy (To Fall in Love)” chu No.7 atangin No.8-ah a tawlh a, Tame Impala leh JENNIE “Dracula” chu No.10-ah bawk a la awm.
Hot 100 No.1 kai thei hla ngah zual te:
20, The Beatles
19, Mariah Carey
15, Taylor Swift
14, Rihanna
14, Drake
13, Michael Jackson
12, Madonna
12, The Supremes
11, Whitney Houston
10, Ariana Grande
10, Janet Jackson
10, Bruno Mars
10, Stevie Wonder
Hot 100 Top 10 kai thei hla ngah zual te:
90, Drake
70, Taylor Swift
38, Madonna
35, The Beatles
32, Rihanna
30, Michael Jackson
29, Elton John
28, Mariah Carey
28, Stevie Wonder
27, Justin Bieber
27, Janet Jackson
26, Lil Wayne
25, Elvis Presley
Hot 100 No.1 kai thei hla phuah tam zual te:
32, Paul McCartney
30, Max Martin
26, John Lennon
18, Mariah Carey
18, Lukasz “Dr. Luke” Gottwald
16, Barry Gibb
15, Drake
15, James “Jimmy Jam” Harris III
15, Brian Holland
15, Terry Lewis
15, Taylor Swift
14, Lamont Dozier
Swift “I Knew It, I Knew You” a Hot ber
