Karliamta Inrinni, August ni 31, 2024 khan Mizoram Amateur Taekwondo Association (MATA) chuan Aizawl Electric Veng Electric Veng YMA Hall-ah Aizawl chhung club hrang hrang tan 2nd Session Colour Belt Exam thawhkhatna a buatsaih a, club 12 a\angin taekwondo zirlai 198 zetin exam \ha takin an paltlang.
Taekwondo belt exam hi colour belt hrang hrang Yellow, Green, Green One, Blue, Blue One, Red leh Red One niin, Yellow belt a\anga Red belt inkar mi 187-te’n exam an bei a; Black belt exam thei tur inbuatsaih mek mi 11-in Red 1 exam an hmachhawn bawk.
Exam hi 3rd Dan Black belt C. Malsawmtluanga’n hoin, Black belt rualkhat – Albert Lalrinfela, Vanlalmawipuia, Vanlalthlenga leh Lalzarzovate’n uluk takin theory leh practical exam an endik.
Taekwondo belt exam subject hrang hrangte chu – physical fitness, basic technique, hand & leg technique, poomsae, self defence, sparring, breaking leh speed endurance-te a ni.
Exam beitu zinga ti\ha ber chu Red One exam hmachhawntu T. Lalhruaitluangi, ITI Veng, Gidae Taekwondo Club-a zir mek niin, MATA GS Master Joseph Thansanga’n lawmman a hlan.
2nd Session Colour Belt Exam hi district hrang hrangah chhunzawm a ni ang.
Taekwondo colour belt exam
