Taekwondo Winter Festival leh Advance Christmas
Mizoram Anateur Taekwondo Association (MATA) buatsaihin Nilaini khan MATA Hall-ah Winter Festival leh Advance Christmas hman a ni a, festival programme pakhatah Mizoram Official Breaking Championship buatsaih a ni.
He hunah hian MATA hnuaia an member-te bakah international leh national player-te an kal tha a, MATA hnuaia black belt-te pawhin an hun pawimawh hi an ngaipawimawh a, MATA senior adviser leh Thorang bialtu MLA ni bawk Er. R. Rohminglian’n a hmanpui.
Taekwondo Festival-ah hian Breaking Championship-a tithate bakah Senior Black Belt exam leh National Referee exam-a pass tharte hnenah certificate hlan a ni a, MATA kum tawp kharna’n advance christmas hmanho nghal a ni.
Festival prog-ramme pakhat Mizoram Official Breaking Championship-ah hian power breaking inelna chi thum – sah (chop), hnek (punch), nghawk (elbow)-te bakah speed breaking, high kick leh freestyle poomsae hmanga inelna huaihawt a ni.
Intihsiakah hian a pumpuiah Zohmingthanga, TABF/Bilkhawthlir chuan gold medal pathum, silver pahnih leh bronze pahnih bawk lain Best Breaker a ni.
Gold pathum, silver pakhat leh bronze medal pathum awrhtu Lalzarzova, ATA/Ramthar veng chuan runnera up nihna a hauh ve bawk.
Kumin May thlaa National Taekwondo Referee exam result chhuakah Mizo exam 13 an pass a, khuallian Er. R. Rohmingliana bakah world championship player pahnih Ramdingliani leh Pansy Rampanzelite’n pass tharte hnenah certificate an hlan.
Hemi ni hian federation remtihna angin World Taekwondo Black belt exam buatsaih a ni nghal bawk a; mi 10 exam-te’n tha takin an paltlang thei.
Physical test, basic, poomsae, sparring leh self defence test an nei vek a, exam zingah hian MLA Er. R. Rohmingliana, R. Lalrinmawia, Sr. SPO, MSSC leh kum 60 chung lam thah Prof. Rualkhuma Colney, Laltanpuia leh F. Thangtinlianate an tel bawk.
Breaking Championship Finalist
Power Knife Hand
Gold medal – Lalzarzova ATA
Silver medal – Zohmingthanga TABF
Power Elbow
Gold medal – Zohmingthanga TABF
Silver medal – HV Lalbiakthuama MATA
Power Punch
Gold medal – Lalzarzova ATA
Silver medal – HV Lalbiakthuama MATA
Power Knife hand Female
Gold medal – Ramdingliani TABF
Silver medal – Doris Lalhmangaihzuali CTC
Speed Breaking
Gold medal – Lalzarzova ATA
Silver medal – HV Lalbiakthuama MATA
High Kick
Gold medal – Michael Lalmawizuala ATA
Silver medal – Zohmingthanga TABF
Advance Kick
Gold medal – Zohmingthanga TABF
Silver medal – Michael Lalmawizuala ATA
Creative Poomsae
Gold medal – Zohmingthanga TABF
Silver medal – Lalzarzova ATA