Taliban in media lam khuahkhirh dawn
Afghanistan a rorelna chelh leh mektu Taliban chuan kum 2021 atanga rorelna an chelh leh hnuin an ramchhungah khapna hrang hrang an siam chho zel a, tunah chuan media lam nghawng thil a thleng ve dawn nia sawi a ni.
Taliban in an khap tura sawi hi media lam nghawng niin, thil nung lai, mihring pawh huapin an chevel lai thlalak phal a ni dawn lo.
Mihring chevel hrim hrim video mai pawh ni lo, an thlalak hrim hrim chu phal loh ni dawnin, thehdarh ngat phei chu Islamic dan bawhchhiatna, hremna sang tak pek theih a ni dawn a ni.
Taliban thupuangtu Saiful Islam Khyber chuan, ‘He dan hi siamthat a nih hma chuan hman tur a ni a, dan hi zawm ngei tur a ni, zawm lote hremna chu a na khawp ang,’ a ti chhuak tawh bawk.
Taliban te hian kum 2021 atang khan Afghanistan ah rorel leh tanin, an Islam dan khirh tak tak tharthawh chungin, dan zawm tur hrang hrang an siam thar a, tunah chuan media te thlenga khuahkhirh chhoin, an ram media te dinhmun a khirh chho zual hle dawn a ni.