Taylor Swift chu kar khat chhunga US-a zaithiam lar ber niin, Billboard Artist 100 chart-ah a No.1 a, he chart-a a No.1 tawh zawng zawng chu kar 84 a tling ta a, he chart-a No.1 ni ngun ber a nihna a sawhnghet leh ta sauh a ni. Taylor Swift hian a album hlui a record thar ‘1989 (Taylor’s Version)’ leh a album dang leh hla hralh that zar a la zo ta zel a ni.
Billboars Artist 100 chart hi kar khar chhunga US-a zaithiam lar dan tehna niin,chart ranking siam nan hian kar khat chhunga an hla leh album hralh tam dan te, streaming leh radio airplay te chu tehna pawimawh a ni.
Swift re-recorded album ‘1989 (Taylor’s Version)’ hi kar khat chhungin US-ah maktaduai 1.653 hralhin, Billboard 200 (albums) chart-ah No.1 a ni a, pakua Billboard 200 chart-ah a lang thei bawk a, hei bakah hian ‘1989 (Taylor’s Version)’ album-a hla 21 te chu Billboard Hot 100 (singles) chart-ah an lang vek a, chung zingah chuan “Is It Over Now? (Taylor’s Version) [From the Vault]” chu Hot 100 No.1 niin, a hla dang pasarih chart top 10-ah a lang a, hla dang 14 chart top 40-ah a lang thei bawk.
SEVENTEEN pawh chart No.5-ah an rawn lang thar ve leh a, anni group oawh hian an album thar SEVENTEENTH Heaven: 11th Mini Album chu kar khat chhungin US-ah 1,00,000 hralhin, Billboard 200 chart No.2-ah an debut a, hei hian Artist 100 chart-ah pawh a vawrh sang ta a ni.
Billboard Artist 100 Top 10:
1 Taylor Swift
2 Drake
3 Morgan Wallen
4 Bad Bunny
5 SEVENTEEN
6 Zach Bryan
7 Olivia Rodrigo
8 SZA
9 Luke Combs
10 Doja Cat
Taylor Swift a lar ber
