Taylor Swift hla thar ‘Is It Over Now? (Taylor’s Version) [From the Vault]” chu Billboard Global 200 chart No.1-ah a debut a, he chart top 6-a lang hla dang zawng pawh Swift hla vek niin, he chart history-a hetiang ti thei hmasa ber a ni. A hmaa hetiang record pawh Swift siam tho niin, November 2022 khan Billboard Global 200 chart top 5-ah a hla hlang a lo lan pui tawh a, he record hi tunah a rawn khum ta a ni.
Billboard Global 200 chart hi kar khat chhunga US-a hla lar dan tehna niin, chart ranking siam nan hian official-only streams (subscription leh ad-supported audio leh video music services) leh download sales te chu tehna pawimawh a ni.
Swift hla he chart top 6 a lang te hi a album thar “1989 (Taylor’s Version)” album ami te niin, “Is It Over Now? (Taylor’s Version) [From the Vault]” hian kar khat chhungin US-ah stream maktaduai 63.7 leh download sales 7,000 a nei thei a, hei hi chart-ah a No.1 pui ta a ni. Tihian, Swift hian he chart-a No.1 kai thei hla pali a nei tling ta a, a hla dang ‘Cruel Summer’, ‘Anti-Hero” leh “All Too Well (Taylor’s Version)” te a lo No.1 pui tawh bawk a ni.
Tihian, Swift hian Olivia Rodrigo kalsanin, hmeichhe zaithiam zinga he chart-a No.1 kai thei hla ngah ber a ni ta a, mipa lamah Bad Bunny nih rualin, soloist zinga he chart-a No.1 kai thei hla ngah ber a ni a, he chart-a No.1 kai thei hla pasarih nei BTS chiah a la pha lo.
Tunkar chart top 10 a lang hla 10 zinga hla pasarih chu kar hmasa lamah pawh top 10-a lo lang tawh vek an ni a, Swift hian chart top 10-a lang thei hla 24 nei tawhin, hmeichhe zaithiam zingah he chart-a No.1 kai thei hla ngah ber a ni a, Drake (35) chiah a pha lo.
Billboard Global 200 Top 10:
1 Is It Over Now? (Taylor’s Version) [From The Vault] – Taylor Swift
2 Now That We Don’t Talk (Taylor’s Version) [From The Vault] – Taylor Swift
3 Slut! (Taylor’s Version) [From The Vault] – Taylor Swift
4 Say Don’t Go (Taylor’s Version) [From The Vault] – Taylor Swift
5 Style (Taylor’s Version) – Taylor Swift
6 Bad Blood (Taylor’s Version) – Taylor Swift
7 Greedy – Tate McRae
8 Paint The Town Red – Doja Cat
9 Blank Space (Taylor’s Version) – Taylor Swift
10 Seven – Jung Kook Featuring Latto