Taylor Swift album thar ‘The Tortured Poets Department’chuan record a rawn siam deuh zawih zawih a ni ber mai, he album hi an tlangzarh atanga kar khat chhungin Spotify-ah vawi tluklehdingawn stream hman a ni a, hetiang kai thei album awm chhun a la ni. Chupawh an tlangzarh atanga ni 5 chhung lek lehnghalin. He streaming service-ah hian kar khat chhunga album vawi tluklehdingawn stream kai thei hi a la awm ngai lo.
A album hming lamtawia ‘TTPD’ an tih mai hi Swift studio album 11-na niin, hla 16 a awm a, April ni 19 zanlaiah a tlangzarh a. A tlangzarh atanga darkar hnih hnua Swift hian a album version dang hla 15 dang a dah belhna cu Anthology extended edition album angin a tichhuak leh bawk.
He album hi a album pum puiin, Spotify-ah hian ni nga chhungin vawi tluklehdingawn stream a kai hman a, kar khat chhunga Spotify-a album vawi tluklehdingawn stream kai thei hmasa ber a nih bakah, Spotify-a album vawi tluklehdingawn stream kai rang thei ber a ni bawk.
TTPD hian record a rawn siam deuh mawlh mawlh mai a, an tlangzarh atanga darkar 24 chhungin vawi maktaduai 300 chuang stream hman a ni a, Spotify-a ni khat thil thua album stream nasat ber a ni a, Apple Music lamah pawh pop album zinga ni khat thil thua stream nasat ber a ni bawk. A vinyl album pawh an tlangzarh atanga ni li chhungin copy 8,00,000 an hralh hman a, tunlai khawvela kar khat chhung vinyl album US-a hralh hnem ber record a siam tawh bawk.
Taylor Swift-i’n record a siam leh ta
