Taylor Swift ‘The Fate of Ophelia’ a la lar ber

Taylor Swift ‘The Fate of Ophelia’ a la lar ber
Taylor Swift hla hit ‘The Fate of Ophelia’ chu Billboard Global 200 chart No.1-ah a rawn kir leh ta a, he chart-a kar thum a No.1-na a ni. Hetihrual hian Krismas lam hawi hla pawhin chart top 10-a mawi leh hmak tawh e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Taylor Swift ‘The Fate of Ophelia’-in kar khat chhungin stream maktaduai 82.7 leh sales 35,000 a la nei thei a, he hla hi Chainsmokers remix an tlangzarh thar hnuah hralh a kal thar leh a, chart No.1 a rawn kai tha leh ta a ni.
Chart No.1 hlui, KPop Demon Hunters soundtrack HUNTRIX “Golden’ chu No.1 atangin No.2-ah a tawlh ve leh ta a, he hla hi July thla atang khan he chart-ah hian kar 17 a No.1 tling tawh.
Maria Carey Krismas lengzem hla chuai thei lo “All I Want for Christmas Is You” chuan stream maktaduai 55.5 leh sales 3,000 a rawn kai leh ta a, chart No.6 atangin No.3-ah a invawr leh ta. He hla hi December 2019 atang kan chart-ah kar 19 a No.1 tling tawh a, karleh chart-ah pawh No.1 a kai leh thei tawh ngeiin a rinawm.
Olivia Dean ‘Man I Need’ chu No.3 atangin No.4-ah a tawlh a, chart No.1 hlui Alex Warren ‘Ordinary’ chu No.4 atangin No.5-a a tawlh ta bawk.
Krismas hla pawh a lar leh tan tawh a, Wham ‘Last Christmas’-in stream maktaduai 50.8 leh sales 2,000 kaiin, No.12 atangin No.6-ah a invawrh a, Brenda Lee ‘Rockin’ Around the Christmas Tree’ pawhin stream maktaduai 35.3 leh sales 1,000 neiin, No.24 atangin No.10 a kai ve leh ta bawk.
Billboard Global 200
Top 10:
1 The Fate Of Ophelia – Taylor Swift
2 Golden – HUNTR/X: EJAE, Audrey Nuna & REI AMI
3 All I Want For Christmas Is You – Mariah Carey
4 Man I Need – Olivia Dean
5 Ordinary – Alex Warren
6 Last Christmas – Wham!
7 Where Is My Husband! – RAYE
8 Opalite – Taylor Swift
9 So Easy (To Fall In Love) – Olivia Dean
10 Rockin’ Around The Christmas Tree – Brenda Lee